白夜行呢本書佈局唔錯，表面上係一宗簡單大樓殺人案，但其實有兩個主角，唐澤雪穗同桐原亮司，亮司父親孌童，比錢雪穗母親搞雪穗，約左佢去大樓侵犯佢，亮司本身就識雪穗一齊去圖書館玩，當佢見到之後就殺左佢老豆，然後安排雪穗離開，自己再爬通道離開，二人繼續有來往，但全世界都唔知當日發生咩事，之後亮司殺埋寺崎忠夫，佈局成意外，因為佢係西本文代情夫，其實都係想搞雪穗。
亮司母親怕其他人知佢同店內員工松浦勇鬼混，於是比假口供誤導警察，等全世界以為佢地三個都有不在場證明，其實亮司當日犯案係爬出窗去殺人。雪穗就佈局殺左自己母親，當做唔小心死左，然後就比唐宮家領養左，唔洗再捱窮。
呢件事過左幾十年都冇人知，亮司又用電腦繼續犯案獲利，暗中有幫雪穗懲罰阻佢的人，例如影江利子，藤村都子裸照，強姦佢繼女等等，又利用藥劑師女友身份盜取專利，雪穗又利用老公個人資料盜取機密獲利。二人犯案手法高明，雪穗拎到錢之後就投資開店，當一成派偵探調查，亮司就獨自毒殺左佢。
幾十年後調查蛛絲馬跡之後發現亮司就係幾單謀殺案的兇手之後，警方臨捉到佢佢就自殺，而雪穗就當冇識過呢個人，扮唔知咁走左，故事就此完結。
女主角曾講過：「我的天空裡沒有太陽，總是黑夜，但是並不暗，因為有東西代替了太陽。」，又話自己從沒有生活在太陽底下過，暗示緊自己細細個比人侵犯的經歷。亮司和應話：「我的人生，就像在白夜裡走路一樣。」
沒有留言:
張貼留言