《鄧普頓教你逆向投資：牛市和熊市都穩賺的長贏投資法》

呢本書分享左好多投資心得，作者投資法則就係只買超平的股票。

幾時先最平？佢比左以下準則:

1. 趁商品價格處於“極度悲觀點”時立即買入看上去悲觀但有潛力的股票，即係市盈率市賬率低的股票，或者前景最差的股票更要比心機研究

2. 聰明人從自己的錯誤和失敗中獲得經驗，而更聰明的人則從他人的錯誤和失敗中獲得經驗。

3. 買野最好比現金，唔洗比利息。

4. 牛市在悲觀中誕生，在懷疑中成長，在樂觀中成熟，在興奮中死亡。–原來係佢講

5. 坊間的大行報告結果其實反映左響股價度，所以好少會話賺大錢。

6. 情緒化的時候永遠不要作投資決定，唔好亂咁轉去其他升緊的股票，坐緊貨唔好思考自己投資方法(多做多錯)，贏錢先好思考，跌到痴線更加唔洗走，因為都唔會點再跌，呢D時候就應該買。

7. 佢習慣係買左貨至少等4年，有思考過就坐貨都唔怕

8. 唔好買D大家都追捧的股票，因為冇咩吸引力，想買低價股，認住波動係你朋友

9. 民主國家多機會出現inflation，因為選票會跟空頭支票走

10. 玩得投機多數賺少少就拎左去洗，如果跌返就會蝕突。

11. 新股唔洗即刻抽或者一上市就掃，因為過一陣子買可能更平。

12. 報紙媒體為左刺激銷量多數報憂不報喜，所以有危機負面報道多係正常，刺激大家恐懼的心理。

之後佢仲分析左佢做過幾個聰明的投資決定，例如911恐襲時買航空股，因為跌左成50%，之後強力反彈，買韓國股票，博佢會開放資本管制，同投資日本一樣，同樣地投資中國，都係睇好佢儲蓄率高，同埋會開放資本，方便佢買低價股票。佢自己買過中人壽同中移動，中人壽好似賺左超過1000%!

佢個人認為如果利率跌呢最好就係去買債劵，因為債劵價格會爆升，又可以避開股票下跌的損失。佢自己觀察美國一經濟不景多數都係用呢招，更勁係借日圓去買其他國家有穩定貨幣的債劵，一方面日圓利息低，二黎其他國家的貨幣冇咁波動，好過美元咁波動，複合回報會超過40%。

呢D建議都唔錯，值得參考。